મુંબઇ, રાજકુમાર રાવ હાલમાં જ સિનેમાઘરોમાં રીલિઝ થયેલી તેમની ફિલ્મ ’શ્રીકાંત’ને લઈને ચર્ચામાં છે. આ ફિલ્મમાં અભિનેતા દેશના લોકપ્રિય અંધ ઉદ્યોગપતિ શ્રીકાંત બોલાનું પાત્ર ભજવી રહ્યો છે. આ દરમિયાન ફિલ્મના બીજા દિવસના બોક્સ ઓફિસ કલેક્શનના આંકડા પણ સામે આવ્યા છે.
દરેક ફિલ્મમાં તેની અલગ સ્ટાઈલ જોવા મળે છે. ભલે તેની તમામ ફિલ્મો હિટ ન હોય પરંતુ દરેક ફિલ્મમાં તેની એક્ટિંગ સારી છે. આ દિવસોમાં રાજકુમાર રાવ ‘શ્રીકાંત’ને લઈને ચર્ચામાં છે. આ ફિલ્મ ગઈ કાલે સિનેમાઘરોમાં રિલીઝ થઈ છે. આ ફિલ્મમાં રાજકુમાર રાવ દેશના લોકપ્રિય અંધ ઉદ્યોગપતિ શ્રીકાંત બોલાના રોલમાં જોવા મળે છે. આ ફિલ્મમાં રાજકુમાર રાવની એક્ટિંગ દર્શકોને પસંદ આવી રહી છે. ફિલ્મમાં તેની એક્ટિંગ હિટ છે અને ફિલ્મ પણ હિટ બનવા તરફ આગળ વધી રહી છે. અમે આ ફિલ્મની ૨ દિવસની કમાણીનાં આંકડા જોયા બાદ કહી રહ્યા છીએ.
સકલનિકના પ્રારંભિક ટ્રેડ રિપોર્ટ અનુસાર, ‘શ્રીકાંત’એ પહેલા દિવસે ૨.૨૫ કરોડ રૂપિયાનું કલેક્શન કર્યું હતું. વિકેન્ડના પહેલા દિવસે એટલે કે શનિવારે ફિલ્મની કમાણીમાં જોરદાર ઉછાળો જોવા મળ્યો હતો. આ ફિલ્મે પહેલા દિવસની જેમ બીજા દિવસે પણ ડબલ કલેક્શન કર્યું છે. રિપોર્ટ અનુસાર, ‘શ્રીકાંત’એ બીજા દિવસે ૪ કરોડ રૂપિયાની કમાણી કરી છે. એટલે કે બે દિવસમાં ફિલ્મે કુલ ૬.૨૫ કરોડ રૂપિયાનું કલેક્શન કર્યું છે. લગભગ ૪૦ કરોડ રૂપિયાના બજેટમાં બનેલી ડિરેક્ટર તુષાર હિરાનંદાનીની ફિલ્મ ‘શ્રીકાંત’ને વીકએન્ડના બીજા દિવસે એટલે કે રવિવારે પણ ફાયદો મળી શકે છે. શ્રીકાંત સિવાય, આ અઠવાડિયે સિનેમાઘરોમાં બીજી કોઈ મોટી ફિલ્મ રિલીઝ થઈ રહી નથી, તેથી આશા છે કે ફિલ્મ આગામી દિવસોમાં વધુ સારું પ્રદર્શન કરી શકે છે.
તમને જણાવી દઈએ કે અભિનેત્રી જ્યોતિકા શ્રીકાંત બોલાની બાયોપિક ‘શ્રીકાંત’માં રાજકુમાર રાવ સાથે લીડ રોલમાં જોવા મળી રહી છે. જ્યોતિકા હાલમાં જ અજય દેવગનની સુપરનેચરલ હોરર થ્રિલર ‘શૈતાન’માં જોવા મળી હતી. આ સિવાય અલયા એફ અને શરદ કેલકર જેવા કલાકારો પણ આ ફિલ્મમાં પોતાની એક્ટિંગ કૌશલ્ય બતાવતા જોવા મળે છે. આ ફિલ્મનું નિર્દેશન તુષાર હિરાનંદાનીએ કર્યું છે, જ્યારે ભૂષણ કુમાર, કૃષ્ણ કુમાર, નિધિ પરમાર હિરાનંદાની શ્રીકાંતના નિર્માતા છે.