નવીદિલ્હી, સંયુક્ત રાષ્ટ્રના જેન્ડર સોશિયલ નોર્મ્સ ઈન્ડેક્સમાં જાણવા મળ્યું છે કે દસમાંથી નવ લોકો મહિલાઓ પ્રત્યે ભેદભાવની ભાવના રાખે છે. આ ઇન્ડેક્સ ૨૦૧૭થી ૨૦૨૨ દરમિયાન એકત્રિત કરવામાં આવેલા ડેટા પર તૈયાર કરવામાં આવ્યો છે. આ મુજબ ૨૫% પુરુષો પોતાની પત્નીને મારવામાં કોઈ દુષ્ટતા સમજતા નથી. ૮૦ દેશોમાં અડધા લોકો માને છે કે પુરુષો વધુ સારા રાજનેતા હોય છે. ૪૦%નું કહેવું છે કે પુરુષો વધુ સારા બિઝનેસ એક્ઝિક્યુટિવ સાબિત થાય છે.
આ રિપોર્ટ ૨૦૦૫ અને ૨૦૧૪ વચ્ચે એકત્રિત કરવામાં આવેલા ડેટા પર ૨૦૨૦માં બહાર પાડવામાં આવેલા ઇન્ડેક્સ જેવો છે. સંયુક્ત રાષ્ટ્ર વિકાસ કાર્યક્રમના પ્રમુખ, પેડ્રો કોન્સિકો કહે છે કે તેમને આશા હતી કે અમને થોડી પ્રગતિ જોવા મળશે, પરંતુ તે કેવી રીતે ખરાબ હોઈ શકે? ત્યાં જ મહિલાઓ માટે સમાનતાના મામલે અગ્રણી યુરોપિયન દેશ જર્મનીમાં થયેલા એક સરવેમાં પુરુષોની રૂઢિચુસ્ત વિચારસરણીએ જેન્ડર સમાનતા માટે કામ કરતી સંસ્થાઓને ચિંતામાં મૂકી દીધી છે. જર્મનીમાં ૧૮-૩૫ વર્ષની એક હજાર મહિલાઓ અને એક હજાર પુરુષો પર પ્લાન ઈન્ટરનેશનલ જર્મનીના ઓનલાઈન સરવેમાં સામે આવ્યું છે કે ત્રીજા ભાગના ૩૩% પુરુષોએ ક્યારેક-ક્યારેક મહિલાઓ પર હાથ ઉગામવાનું છોડી દેવાનું સ્વીકાર્ય માન્યું છે. ૩૪% એ સ્વીકાર્યું કે “સન્માન જાળવવા” માટે ક્યારેક-ક્યારેક દલીલ દરમિયાન તેમની પાર્ટનર સાથે હિંસા કરી ચૂક્યા છે.
ફેડરલ ઓર્ગેનાઈઝેશન ફોર ઈક્વાલિટીએ કહ્યું છે કે ૨૦૨૧માં જર્મનીમાં એક લાખથી વધુ મહિલાઓ ઘરેલુ હિંસાનો ભોગ બની હતી. જર્મની યુરોપના એવા દેશોમાં સામેલ છે જ્યાં મહિલાઓની હત્યાનો દર સૌથી વધુ છે.