ડાકોર,વડતાલ ધામ દ્વિશતાબ્દી મહોત્સવ ઉપક્રમે શ્રી સ્વામિનારાયણ મંદિર ડાકોર( વડતાલ તાબાનું) દ્વારા ભગવાન શ્રી સ્વામિનારાયણ સ્વ- ધામ ગમન લીલા તે દિવસની ઉજવણી કરવામાં આવી હતી. જેઠ સુદ-10ના દિવસે શ્રીજી મહારાજે પૃથ્વી પરથી વિદાય લઈ અને સ્વધામ ગમન કર્યું હતું અને તે દિવસની ઉજવણી કરવામાં આવી હતી. આ દિવસે વડતાલ ધામ થી પ.પૂ. સ્વામી શ્રી કે.એન. શાસ્ત્રીજી એ સુંદર કથા નું પણ રસપાન કરાવ્યું હતું. આ કાર્યક્રમમાં ડાકોર મંદિરના કોઠારી કેશવજીવન સ્વામી, પાર્ષદ રવીન્દ્ર ભગત વડતાલ થી ભક્તિ સ્વામી પાર્ષદ મિલીન ભગત પણ ઉપસ્થિત રહ્યા હતા. સાથે સાથે આ દિવસે વડતાલ ધામ દ્વારા પણ ચરોતરના આસપાસના વિસ્તારમાં વૃદ્ધાશ્રમ, અનાથાશ્રમ વગેરેમાં ભોજન પ્રસાદનું પણ વિતરણ કરવામાં આવ્યું હતું. કાર્યક્રમના અંતમાં 500 જેટલા હરિભક્તો ભાઈઓ-બહેનો મહાપ્રસાદનો લાભ લઈ ધન્ય બન્યા હતા.