દાહોદ જીલ્લાની લીમખેડા પોલીસે લીમખેડાના હાથીધરા ગામે તળાવ ફળિયામાં જુદી જુદી બે જગ્યાએ રહેણાંક મકાનમાં ધમધમતી વિદેશી દારૂની બે હાટડીઓ પર ઓચિંતી પ્રોહી રેડ પાડી બે જગ્યાએથી કુલ મળી 1.18 લાખ ઉપરાંતની કિંમતનો વિદેશી દારૂ ઝડપી પાડી કબજે લીધાનું પોલીસ વર્તુળો દ્વારા જાણવા મળ્યું છે.
લીમખેડા પોલીસે પોતાને મળેલ પ્રોહી અંગેની બાતમીને આધારે મોટા હાથીધરા ગામના તળાવ ફળિયામાં રહેતા પંકજભાઈ રમેશભાઈ આમલીયાર તથા રોહિતકુમાર હીરાભાઈ હઠીલા ની ભાગીદારીમાં પંકજભાઈ રમેશભાઈ આમલીયારના કબજા ભોગવટાના રહેણાંક મકાનમાં ધમધમતી વિદેશી દારૂની હાટડી પર ઓચિંતી પ્રોહી રેડ પાડી રૂપિયા 33,792/- ની કુલ કિંમતની ભારતીય બનાવટના ઇંગ્લિશ દારૂની 180કાચની બોટલો નંગ-384 પકડી પાડી કબજે લીધી હતી. પોલીસની રેડ સમયે ઉપરોક્ત બંને બુટલેગરો પોલીસની રેડ સમયે સ્થળ પર હાજર ન હોવાથી પોલીસ તેઓને પકડી શકી ન હતી. પરંતુ પોલીસે તે બંને વિરૂદ્ધ પ્રોહિબિશનનોગુનો નોંધી આગળની કાર્યવાહી હાથ ધરી છે.
જ્યારે ગત મોડી સાંજે સાતેક વાગ્યાના સુમારે લીમખેડા પોલીસે પોતાને મળેલ પ્રોહી અંગેની બાતમીને આધારે અરવિંદભાઈ સોમાભાઈ આમલીયારના કબજા ભોગવટાના રહેણાંક મકાનમાં રોહિતકુમાર હીરાભાઈ હઠીલાની ભાગીદારીમાં ધમધમતી વિદેશી દારૂની હાટડી પર ઓચિંતી પ્રોહી રેડ પાડી રૂપિયા 84,926/- ની કુલ કિંમતની ભારતીય બનાવટના ઇંગલિશ દારૂની 180 દ્બઙ્મ ની કાચની બોટલ નંગ-556 ઝડપી પાડી કબજે લીધી હતી. જ્યારે ઉપરોક્ત બંને બુટલેગરો પોલીસની રેડ સમયે સ્થળ પર હાજર ન હોવાથી પોલીસ તેઓને પકડી શકી ન હતી. આ મામલે લીમખેડા પોલીસે ઉપરોક્ત બંને બુટલેગરો વિરૂદ્ધ પ્રોહિબિશનનો ગુનો નોંધી આગળની કાર્યવાહી હાથ ધરી છે.